اگر از تبریز رانده نمی شدم
تو را می بردم به انجمن های شعر
تو شعر می خواندی و تریبونها پر در می آوردند
و همه امکان گل سرخ بودن می یافتند...

اگر از تبریز رانده نمی شدم

دراز می کشیدیم بر روی چمنهای ائل گولو

به ستاره ها لالایی میگفتیم و تو با انگشتت

کهکشانها را ادیت می کردی...

محبوب من

تقویمها به اشتباه مدیریت می شوند

به چاپ  تبریزی آغوشت احتیاج دارم!

----------------

تبریزدن آتیلماسایدیم
سنی گؤتوره جکدیم شعیر انجومن لرینین بیرینه
سن چیخیش ائده جکدین یئنی شعرلرله
تریبونلار قوش اولوب اوچاجاق ایدیلر
هامیدا قیزیل گول اولماق ایمکانی یاراناجاق ایدی

تبریزدن آتیلماسایدیم
ائل گؤلوده چیمنلرین اوستونده اوزانیب
اولدوزلارا لایلای دئیه جکدیک
سن بارماغینی قالدیریب کهکشانلاری دیزاین ائده جکدین
بئله سی سئومیرم دئیه
ممد ایرضا بیر چای بوشالت منه دئیه جکدین
قلبیمده دنیزلر قاشیناجاق ایدی، ائل گؤلوده قارغالار

تبریزدن آتیلماسایدیم
سنی آپاراجاق ایدیم خوجایا
سنی سئویرمین شاماما دادی وار خوجادا
آنام یازما بو قیزی یازیق ائتمه دئیه جک ایدی
سن آناما گیجیک ائدیب یاز یارات دئیه جکدین
من آناملا سنین چکیش برکیشیندن بیر شیش کاباب چکه جکدیم
حسن عمیم " یار بیزه قوناق گله جک" تؤکه جک ایدی سازینا، کوچه یه
سونرا آلمالیغیمین یولونو خبر آلاجاقدین آتامدان
آتامین گؤزلرینده آلمالیغی سوواراجاق ایدی محبتین
آتام سنی گؤستره رک بونا یاخشی باخ دئیه جک ایدی منه
سنی بیر داها گؤزدن کئچیره جکدیم
هر شئی ایسته دییم کیمی اولاجاق ایدی
ساچلارین سیاستیم، دوداقلارین فلسفه م
گؤزلرین سندن گیزله دییم کیچیک گوناهلار
اللرین کیمسه یه سؤیله یه بیلمه دییم سیرلار

تبریزدن آتیلماسایدیم
بو دهشتلی اؤلومجول آیریلیقدان اؤنجه
کؤره یینین خالینی کاینات قده ر بؤیودردیم
سونرا خالینین کهکشانلاریندا اسن قارا دلیکلره آتاردیم اؤزومو
ال چاتماز گؤزللیینه گؤمه ردیم اؤزومو

سئوگیلیم
تقویملر یانلیش یؤنلندیریلیر
 قوجاغینین تبریز چاپینا احتییاجیم وار!