ایقتیدار

آلت طرف ائله قیشقیردی کی، اورتایا چیخان کولک دالغاسی سایه سینده تووالئت داشینین قاپاغی، دیوارلا کوره یین آراسیندا دالغالانمایا باشلادی.

- یوخ. من دئموکراتیک حاقلاریمدان فایدالانماق ایستیرم.

ان یاخین یولداشی مثانه کیسه سی اونون هیرسینی یاتیرتمایا چالیشیب دئدی:

- ساکیت اول دوستوم. سنین ایسته دیگین شئی ایمکانسیز.

بو سؤزو ائشیدینجه داها دا هیرسله نیب زورت- زورت باغیردی. گومبورتو سسلریندن ووجودن ایچینده کی بوتون اورقانلار تیتره دی. اؤزونه گلینجه هرکس ماراغلانیب آشاغیدان گلن سسلره دوغرو یئریدی.

آلت طرفین اطرافیندا ییغیشان اورقانلار بیر- بیرلریندن نه اولدوغونو سوروشوب دوردولار. آمما اورداکی اولان کیمسه نین بیر شئیدن خبری یوخودو. سونوندا باغیرساقدان آسلانان معده سوروشدو:

- قارداشیم نه اولدو؟ کیم سنی بو قدر هیرسلندیریب؟

- نمنه اولدو؟ بیر ده مندن سوروشور! هامیزی قیناییرام. بوتون گوجومله بو عدالتسیزلیغا، بو زوربالیغا قارشی باغیریرام.

- اشی سنی آند وئریرم ایستی یوموشاق آش حاققینا، ده گؤروم آخی نئیین وار سنین؟

- من بو رهبرلیک سیستئمینه قارشییام. گؤزوموزو آچدیغیمیزدان بری، هئی بئیین باشیمیزین اوستونده اولدو. آرتیق نه زامانا قدر ایقتیدارینی سوردوره جک بو چاتلاق قوجا؟ ایله ری و گلیشمیش یئرلرده اولدوغو کیمی بیزلر ده دئموکراسی یولویلا، اؤزوموزه تزه بیر لیدئر سئچمه لی ییک.

- یاخشی آمما، بو گونه قدر هئچ بیر موشکوله چاتمادیق کی. هرکس ده اؤز وضعیتیندن راضیدی.

- آمما من راضی دئییلم.

- نئیه؟

- آی میللت، بسدی بو قدر حاقسیزلیق. سیزلر بوتون پوخلو ایشلریزین هامیسینی منه تاپشیریرسیز. یورولدوم. آرتیق بونا دایانا بیلمرم. باشا توشورسوز منی؟ هئی آلتدا قالیب ازیلدیم. بو دوروم سونا چاتمالیدی. نئیه  اؤزونو بئیه نن او حریف، هر زامان  ایستی قافانین ایچینده اوتورسون، یازیق من سویوق تووالئت داشینین اوستونده اوتوروب دونوم. منده ده باجاریقلار وار. دونیایی دییشدیره جک قدر پارلاق فیکیرلره صاحابام. من شانسیمی قوللانماق ایستیرم. ایقتیدارا کئچیب ووجودا رهبرلیک ائتمک ایستیرم. او چاتلاغین نئچه پارچا اولدوغو بئله بللی دئییل. ان آزیندان منیم ایکی پارچالیغیم، اوستو آچیق اورتادادی.

آلت طرفین بو سؤزلرینه، اورقانلار دلی کیمی  گولدولر. باغیرساغین  گولمکدن اوزانیب قیسالماسی آز قالسین اونو اورتادان ایکییه آییراجاغیدی. یولداشی مثانه کیسه سی بئله، اؤزونو ساخلایا بیلمه دی و قهقه هه لریندن دولایی ایچینده کی تیتره ین داشلار قیرت- قیرت قیریلدیلار.

اطرافداکی قهقه هه لر آلت طرفین اوره گینی او قدر سیندیرمیشدی کی آرتیق دانیشادا بیلمیردی. اورقانلار بو اولانلاری بیر شوخلوق کیمی حئسابلاییب یاواش یاواش داغیلدیلار و اونو سینان اوره گی ایله باش باشا قویدولار.

میللت اورتالیغی ترک ائله دیکدن سونرا، اؤز دردلرینه دالیب صوراتلارینی تووالئت داشینین ایکی چیینینه قویدو و هؤنگور هؤنگور آغلامایا باشلادی. ایچینده کی هیرس و اوزونتوسونو تووالئت داشینین ایچینه بوشالتماق ایستیردی آمما، آنیدن آغلینا پارلاق بیر فیکیر گلدی و اؤز اؤزونه دئدی:

- منه می گولورسوز شرفسیزلر؟ اولسون گولون. گؤره جه ییک سیزین سونوزو، دییوسلار!.

گئجه یاریسییدی. هرکس شیرین یوخویا گئتمیشدی. بیر آن آشاغی بؤلگه لردن گؤی گورلتوسونا بنزر بیر جور سسلر هامینی یاتاقلاریندان ائشیگه فیرلاتدی.

آلت طرف تزه دن قیشقیرمایا باشلامیشدی، هم ده گئجه نین گئج ساعاتلاریندا. آمما بو سفر سسینی کسمیردی. هر اون- اون بئش دقیقه ده بیر اوجا سسلرله اورقانلاری سینسیدیب یاتماقلارینا مانع اولوردو. ائرته سی گون یوخلایا بیلمه ین اورقانلار، ایشلرینی دوزگون شکیلده گؤره بیلمه دیلر. مثانه کیسه سی ایدرار ساعاتلارینی قاریشدیردی. بوتؤو گئجه نی قیوریلیب آچیلان معده، یئیه جکلرین ازمگینده زورلاندی. سحره قدر اویاق قالان باغیرساق، حرکتسیز قالمیشدی و معده نین یاریمچیلیق ازدیگی یئیه جکلرین اوستونده هئچ بیر ایش گؤرمه دی و یئیه جکلر، ائله سینه ایچینه دولوب قاللاقلاندی.

خبرلر بئینین قولاغینا دا چاتدی. بئیین، اورقانلاری ساکیت اولمایا دعوت ائله دی. اولایین کئچیجی اولدوغونو دئییب ایشلرینین باشینا دؤنمه لرینی ایسته دی. آمما صاباحیسی گون عئینی شئیلرین یاشاماسی اورتالیغی یامان قاریشدیردی. دوروملاری وخیمله شن اورقانلار، قافانین دؤوره سینه ییغیشیب بئییندن اولایا ال آتماسینی طلب ائله دیلر.

بئیین تئزجه، آلت طرفه بیر ائلچی یوللادی و اوندان ائله دیغی گئجه گورولتولاریندان ال چکمه سینی ایسته دی. آمما آلت طرف ایشینه هله  ده دوام ائده جه یینی دئدی و یئنی لیدئر اوچون سئچیم اولمازسا، گئجه لری عئینی سسلرین داها دا بترینی چیخاداجاغینی سؤیله دی. آلت طرفین گؤندردیگی مئساژ بئینی فیکره سالدی. بئیین، قلب ایله ده گؤروشدو و یئنی لیدئر اوچون سئچیم اولماسینا قرار وئردی.

تئز قارنین اورتاسیندا، تام دا گؤبه یین آلتیندا سئچیم صاندیغی قویولدو. اورقانلار رای وئرمک اوچون سیرایا دوزولدولر. گونون سونوندا رای لر ساییلدی. بیر کیشیدن سئوای هامی بئینه رای وئرمیشدی.

هر شئی تزه دن اسکی حالا دؤندو. گئجه یاریسی گورولتولردن خبر یوخودو. آرتیق یئنیدن، اورقانلار ایشلرینی دوزگون شکیلده گؤره بیلیردیلر. آمما....

آمما اوچونجو گونون سحریسی، باغیرساغی هوشدان گئتمیش شکیلده بئینین قاباغینا اوزالتدیلار. بئیین شیشمیش و آز قالسین پاتلاماقدا اولان باغیرساغا باخیب دئدی:

- ائی وای. نه اولدو سنه؟

خسته باغیرساق، زورلا قافاسینی یئردن قالدیردی. باتمیش بیر سسله دئدی:

- سروریم اؤلورم. ایندی پاتلایاجاغام. آلت طرف سئچیم سونوجلارینی قبول ائله میر. یولو باغلادی. ایچیمی بوشالتمایا ایزین وئرمیر. بئله گئتسه، صاباحا قدر یوز- ده یوز پاتلارام. سروریم، من اؤز فیکریمده دئییلم. پاتلاسام ایچیمده کی پوخلار بوتون اورقانلاری زهرله ده جک. لوطفن چارا یولونو تاپین.

- آخی نه ایستیر بو کؤنه زین بیری؟

- سروریم، ایکینجی سئچیم ایستیر.

- تزه بیر سئچیمله موشکولوموز یوخدو آمما، ائله کی گؤرونور او حریف قازانمازسا بو سئچیمن ده هئچ بیر فایداسی اولمایاجاق. بللی کی بو اینادلی کئچینین تک ایسته دیگی ایقتیداردی.

قورخو کابوسو ووجودون دؤود بیر یانینی بوروموشدو. بوتون اورقانلار- بئیین ده اونلارین ایچینده- باغیرساغین پاتلاماسی و هامینین زهرلنمه سیندن وحشت ایچیندئیدیلر. آرتیق ایکینجی سئچیمی قبول ائله ییب ایقتیداری آلت طرفه وئرمکدن سئوای باشقا چارا قالمامیشدی.

سونوندا آلت طرف ایکینجی سئچیمی سیچماماق سایه سینده قازاندی. بئیین له، یئر دئییشدیریب قافایا یئرلشدی. بئیین ده ووجدون آلت قیسمینا کئچدی.

او آندان اعتیبارن، قافادان پوخ کیمی فیکیرلر فیشقیرمایا و آلتدان دا فیکیر کیمی پوخلار چیخمایا باشلادی. قافادان چیخان پوخ- پوسور، بوتؤو ووجودو دولدوردو. اورقانلار پیسلیکلر ایچینده اوزوردولر. فقط  بیریسینین فیکیرلری بو موشکولو دوزلدردی، آمما نه یازیق کی او فیکیرلر ده تووالئت داشینین ایچینه گئدیردی.

............................................

رهبری

نشیمنگاه چنان نعره ای کشید که از طوفانی که به پا خاست، درپوش کاسه توالت لای دیوار و پشت بدن شروع به موج موج زدن کرد.

- نه جانم، من می خوام از حقوق دموکراتیک خودم استفاده کنم.

دوست صمیمی اش مثانه، خواست اعصاب را تسکین دهد:

- آروم باش دوست عزیز. اینی تو می خوای محالاته.

با شنیدن این حرف ها، یسشتر عصبی شد و زوزت  زورت شروع به داد و بیداد راه انداختن کرد.

از صدای گورومب گورومب او، تمامی اعضای درون بدن لرزیدند. اعضای بدن بعد از اینکه به خودشان آمدند همه به سمت صداهایی که از پایین می آمد حرکت نمودند.

همه دور و بر نشیمنگاه جمع شدند و برای اینکه بفهمند چه اتفاقی افتاده آگاه شدن همدیگر را سوال پیچ  کردند. اما کسی از چیزی خبر نداشت. آخر سر، معده  که از روده آویزان شده بود پرسید:

- برادر، چی شده؟ کی تو  رو این قدر ناراحت کرده؟

- چی شده؟ خجالت هم  نمی کشه  و از من می پرسه؟ از دست همه ناراحتم. با تمام وجودم نسبت به این همه بی عدالتی و زورگویی فریاد می کشم.

- ترا به حق آش گرم و نرم، بگو بینیم آخر چی شده؟

- من با ابن سیستم رهبری مخالفم. از وقتی که چشم وا کردیم مغز رو، بالا سرمون دیدیم. آخه تا کی می خواد این پیر پاره پوره اون بالا بشینه؟ همچون جاهای پیشرفته و مدرن، ما هم بایست از راه دموکراسی برا خودمون یه رهبر جدید انتخاب کنیم.

- مسئله ای نیست اما، تا حال که هیچ مشکلی نداشتیم. همه هم از وضعیت خودشان راضی هستن.

- اما من یکی راضی نیستم.

- برا چی؟

- آی مردم، اینهمه بی عدالتی دیگه کافیه. شماها تموم کارهای گندتون را به من می سپارید. دیگه خسته شدم. نمی فهمین؟ همش اون زیر له شدم. این وضع بایست تموم شه. برا چی بایست مغز توی جای گرم و نرمش لم بده، من بیچاره هم رو کاسه توالت یخ بزنم. من هم استعدادهایی دارم. من هم فکرهایی دارم که می تونه دنیا رو عوض کنه. من هم می خوام شانسم رو امتحان کنم. می خوام رهبری بدن رو به عهده یگیرم. اون پاره پوره معلوم نیست چند تیکه هستش. اقلا مثل روز روشن معلومه که من یکی دو تیکه هستم.

اعضای بدن با شنیدن این حرف ها دیوانه وار شروع به خندیدن کردند. روده از خنده آن قدر کوتاه و دراز شد که کم مانده بود روده بر شود. مثانه نتوانست خودش را کنترل کند و از قهقه هایی که سر داد تمامی سنگ های تویش شروع به لرزش کردند و یکی پس ار دیگری خرد شدند.

از شنیدن صدای خنده های اطرافیانش دلش بد جوری گرفته بود. حتی نمی توانست لب به سخن باز کند.

اعضای بدن این کار نشیمنگاه را به حساب شوخی گذاشتند و یواش یواش آنجا را ترک کرده و او را با یک دل شکسته تنها گذاردند.

بعد از اینکه همه رفتند، گونه هایش را روی دو تا کتف کاسه توالت گذاشت و زار زار گریست. می خواست نفرت و درد درونی اش را داخل توالت بریزد که به ناگاه فکر بکری به سرش زد.

- واسه من می خندید بی شرف ها؟ باشه بخندید. آخر کارتون رو خواهیم دید، پدر سوخته ها.

نصف شب بود. همه به خواب خوشی فرو رفته بودند. ناگهان صداهایی همچون رعد و برق از طرف پایین به گوش رسید. همه به یکباره از خواب پریدند.

نشیمنگاه دوباره شروع به داد  زدن کرده بود، آن هم درست نصف شب. اما این بار دست بردار نبود.  هر ده، پانزده دقیقه یکبار فریاد می کشید.

روز بعد، اعضای بدن که خوب نخوابیده بودند، وظایف خود را نتوانستند به خوبی انجام دهند. مثانه ساعات دفع ادرار را قاطی کرد. معده که تمامی شب را از بی خوابی توی حرکت و جنب و جوش بود، نتوانست غذا را آنطور که باید خرد کند. روده هم روی غذاهای نیمه خرد شده  معده هیچ کاری نتوانست انجام بدهد و همه چیز را تویش انبار نمود.

خبرها به گوش مغز رسید. مغز سعی کرد همه را ساکت کند.  گفت اتفاق زودگذری است وهمه چیز رو به راه خواهد شد. از آنها خواست که سر کارشان برگردند. اما فردای آن روز هم همان اتفاقات روی داد. وخامت اوضاع، همه اعضای بدن را مجبور کرد پیش مغز بروند و از او بخواهند که برای بهبود اوضاع دست بکار شود.

مغز فورا پبکی را به طرف پایین فرستاد و از نشیمنگاه خواست به سر و صدای نصف شبش پایان دهد. اما نشیمنگاه پاسخ فرستاد که تا وقتی که برای تعیین رهبر جدید انتخابات صورت نگرفته، سر و صداها تمامی نخواهد داشت و حتی شدیدترش را هم در خواهد آورد.

این پاسخ، مغز را به فکر فرو برد. با قلب مشورت کرد و با برگزاری انتخابات موافقت کرد.

فورا وسط شکم درست زیر ناف صندوق رای گیری نصب گردبد. همه برای رای دادن  به صف شدند. آخر شب رای ها شمرده شدند. به غیر از یکی همه به مغز رای داده بودند.

دوباره همه چیز به حال قبلی اش برگشت. دیگر از داد و فریادهای نصف شب خبری نبود. همه اعضای بدن وظایفشان را به نحو احسن انجام می دادند. اما...

اما صبح روز سوم، روده را با حال زار و پریشان جلوی مغز درازش کردند.

مغز نگاهی به سر و وضع وی که عنقریب در حال انفجار بود، انداخت و گفت:

- خدای من، چه بر سرت آمده؟

رورده مریض الاحوال به زور سرش را از روی زمین بلند کرد و با صدای نحیفی گفت:

- سرورم، دارم می میرم. الآنه که منفجر بشم. نشیمنگاه نتایج انتخابات رو قبول نمی کنه. راه رو بسته. نمیذاره هر چی تویم هستش رو خالی کنم. اگه کارها به این  شکل پیش بره، صد در صد صبح منفجر می شم. سروم، من تو فکر خودم نیستم. اگه منفجر شم، تموم نجس هایی که تویم هستش، اعضای بدن رو مسموم خواهند کرد. تو رو خدا یه چاره یی پیدا کنید.

- آخه این مردک یک دنده چی می خواد؟

- قربان، انتخابات دور دوم می خواد.

- با انتخابات دومی هیچ مشکلی نداریم اما، آن طوری که پیداست اگه این بابا پیروز نشه، این  انتخابات دومی هم سودی به همراه نخواهد داشت. این یارو فقط می خواهد رهبر بشه.

ترس و وحشت همه جای بدن را فرا گرفته بود. همه اعضای بدن و حتی خود مغز از ترس منفجر شدن رودن و مسموم شدنشان آرام قرار نداشتند. چاره ای جز تن دادن به انتخابات دور دوم و سپردن مسند رهبری به نشیمنگاه نداشتند.

دست آخر نشیمنگاه زیر سایه نریدن پبروز میدان رقابت انتخابات گردید. جایش را با مغز عوض کرد. مغز هم راهی محل تحتانی بدن شد.

از آن لحظه به بعد، از توی سر نجس هایی  که شکل و ظاهر افکار را داشتند  فوران کردند  و از طرف پایین هم، افکاری به شکل نجس از بدن  خارج شدند. تمامی اعضای بدن توی نجاست غوطه می خوردند. فقط  یکی می توانست با افکارش این وضع را درست کند. بدبختانه آن افکار سازنده هم راهی توالت می شدند.

 محمد احمدی زاده