تویوق ائلئمانی°
بورونموشم من حامام فیته سینه
گرک گئدم تویوقچو نوبه سینه
قیسمت اولار من ده بیر تویوق آللام
قالان باخسین عکسیده سینه سینه
یئسینلر اهل عیال، قاناد بودوندان
من داراشیم سوموک و دریسینه
آی جماعات بو نه وضعدی اوضاعدی
سؤنوب لامپا باخان یوخ پیلته سینه
گلین گئدک اینترنئتده میدانا
باخاق پیانو مجسسمه سینه
گیم اوینایاق اوردا بیرآز گوجله نک
عرضه یازاق اینستا رئیسینه
هاردا قالدی پیانو ائلئمانیم
قایتار یوخسا قان آخار سو یئرینه
یاددان چیخارتمایین بونو دا یازاق
ساتیر ساتسین روسیه یه یا چینه
ساتسین بیزیم حتتا تومانیمیزی
نه وئرسه لر، هئچ باخماسین رنگینه
ایکی دنه تویوق آلسین اؤتورسون
خاراب قالمیش مملکت حیطینه
حیدر بابا ایلدیریملار شاخاندا
چیخدین داما قوشبازلیق هوسینه
ابلاق قوشو اؤز الینله اوچورتدون
دؤنمز آمما بیاه بیاه سسینه
°°°
° شعر در مورد مشکلات اجتماعی روز مردم است. در آن به برچیده شدن المان پیانو در تبریز، کمبود گوشت مرغ و قرارداد جدید ایران و چین اشاره شده است.
شعر در مایه طنز سروده شده و ترجمه کلمه به کلمه آن، اثر فکاهی اش را از بین می برد.
دیدگاه و نظرات ابراز شده در این مطلب، نظر نویسنده بوده و لزوما سیاست یا موضع ایرانگلوبال را منعکس نمیکند.
توجه داشته باشید کامنتهایی که مربوط به موضوع مطلب نباشند، منتشر نخواهند شد!
افزودن دیدگاه جدید