سروده ی «اوخو تار» از مکائیل
آ. ائلیار
سروده ی «اوخو تار» از مکائیل مشفق را با ترجمه ی کاظم نظری بقا
اینجا میاورم. امیدوارم در فرصت مناسب ، برگردان آ.ائلیار را هم ببینیم:
تار
اوخو، تار، اوخو، تار!...
سسیندن ان لطیف شعرلر دینله‌ییم
اوخو، تار، بیر قادار!...
نغمه‌نی سو کیمی آلیشان روحومه چیله‌ییم.
اوخو، تار!
سنی کیم اونوتار؟
ای گئنیش کوتله‌نین آجیسی، شربتی-
آلوولو صنعتی!
گؤزلری قیبله‌یه آچیلان حاصارلی بینالار
دینله‌میش ازلدن سسینی.
پاپاقلی آتالار، چادرالی آنالار
اؤتورموش سایه‌نده کؤکسونو.
دوشموشلر گاه شیرین، گاه آجی تورونا
سئوینه- سئوینه، قورونا- قورونا.
چارپاراق چارگاهین دیواردان- دیوارا
یولچونو یولوندان ائیله‌میش آوارا.
چالخانمیش دره‌لر، تپه‌لر،
سس وئرمیش سسینه لپه‌لر.
اوخو، تار، فیکریمده اویانسین
باهارین، سیدین غزلی؛
اوخو، تار، روحلانسین
شیروانین، گنجه‌نین مهریبان گؤزه‌لی!
داماغدان دوشنلر،
اوره‌یی شیشنلر،
ایلک باهار سئیرینه چیخمایان،
اؤزونو داغلارین دؤشونه ییخمایان
سینه‌سی داغلیلار،
وفاسیز بیر عشقین داغینیق زولفونه باغلیلار
دخیلین اولموشلار،
قاپیندا تسلی بولموشلار.
زیلین وار، وسطین، بمین وار؛
سنینده قوشلارین دمیندن آیریلان
بیر اؤزگه دمین وار.
سنی‌ده آوارا ائیله‌میش
داغینیق تئللی بیر "زرفشان"
اونونچون سئگاهین دانیشیر
پریشان، پریشان.
سسینی دینله‌میش
شاهلارین، خانلارین سارایی؛
سنینله بیرلیکده اینله‌میش
اسیرلر آلایی
بعضاً ده سیملرین غملری اووتار؛
اولاردین اونلارین سیرداشی
سن ای تار!...
گوللری امکچی بارماقلار قانیندان
رنگ آلان خلچه‌لر
خلچه‌لر اوستونده اوزانمیش-
دواغی قونچه‌لر
"- هی، ساقی، مدد قیل سویودو شرابین،
اینجیتمه کؤنلونو بو خانه‌خرابین!"-
سؤیله‌ین توخ سؤزلو شاعیرلر
هوسدن دویمایان آچ گؤزلو شاعیرلر:
نادیم‌لر، واقیف‌لر،
گؤزللیک سیررینه واقیف‌لر
هپ سنی دینله میش
اوخوموش اینله میش.
ایندی ده بیزیمچین اوخو تار!
سنی کیم اونوتار؟
سن قوللوق ائتمه‌دین نه اوردا- بوردا،
چالیشدین حیاتی سئوگین اوغروندا.
چوخلاری اوزونه دوردولار،
کؤنلونو قیردیلار.
نه دئییم او یئکه باشلارا؟!
چالدیلار روحونو داشلارا.
اوستوندن بیر قارا یئل کیمی اسدیلر،
سسینی کسدیلر.
داشلاندی چکنلر نازینی،
بؤیله‌جه قیردیلار عاشیغین سازینی.
سن خالقا "گول!" دئدین،
"ای غوصصه، اؤل!" دئدین.
غوصصه‌میز اؤلمه‌دی،
خالقیمیز گولمه‌دی.
آغلادیق دایما، آغلادیق،
ای قدیم آشینا، آغلادیق.
اوخو، تار! دییشدی زامانا،
باخ، ایندی رادیو سسینی
داغیدیر جاهانا.
ای تارچی، چال، اوخو!
کؤنلومو آل، اوخو!
وور سازی دؤشونه، ای عاشیق!
قالمامیش نه قبا، نه‌ده کی ساریق.
اوخو، تار! آلوولو ایزلرین
عجبا، نئچه شوخ دیلبرین
یاسمن اوزونو پول کیمی قیزارتمیش؟
او ساری سیملرین لسانی
سالمازمی حیرته انسانی؟
اوخو، تار! من سنده
ایسته‌نن هاوانی چالا دا بیلرم.
من سندن بوگون ذؤو قونو
آلادا بیلرم.
سن بوگون سیلاحسان الیمده،
سنی من هانسی بیر هدفه
ایسته‌سم چئویره بیلرم.
قلبلرده گیزلنن کئچمیشی
بیر یئنی نغمه‌نین الی ایله
دئویره بیلرم!
اوخو، تار!
فابریکده، زاووددا،
تراکتور باشیندا.
بو ساعات قارشیندا
نه قدر آدام وار!
اوتانما، اوخو، تار!
مدنلی باکیمین،
پامبیقلی گنجه‌مین
ایپکلی شکی‌مین
آجیسی، شربتی.
آلوولو صنعتی!
اوخو، تار، اوخو، تار!
سسیندن ان لطیف شعرلر دینله‌ییم.
اوخو، تار، بیر قادار!
نغمه‌نی سو کیمی آلیشان روحوما چیله‌ییم.
اوخو، تار!
سنی کیم اونوتار؟
ای گئنیش کوتله‌مین شیرینی، شربتی
آلوولو صنعتی!...
اوخو، تار، اوخو، تار!...
سسیندن ان لطیف شعرلر دینله‌ییم
اوخو، تار، بیر قادار!...
نغمه‌نی سو کیمی آلیشان روحومه چیله‌ییم.
اوخو، تار!
سنی کیم اونوتار؟
ای گئنیش کوتله‌نین آجیسی، شربتی-
آلوولو صنعتی!
گؤزلری قیبله‌یه آچیلان حاصارلی بینالار
دینله‌میش ازلدن سسینی.
پاپاقلی آتالار، چادرالی آنالار
اؤتورموش سایه‌نده کؤکسونو.
دوشموشلر گاه شیرین، گاه آجی تورونا
سئوینه- سئوینه، قورونا- قورونا.
چارپاراق چارگاهین دیواردان- دیوارا
یولچونو یولوندان ائیله‌میش آوارا.
چالخانمیش دره‌لر، تپه‌لر،
سس وئرمیش سسینه لپه‌لر.
اوخو، تار، فیکریمده اویانسین
باهارین، سیدین غزلی؛
اوخو، تار، روحلانسین
شیروانین، گنجه‌نین مهریبان گؤزه‌لی!
داماغدان دوشنلر،
اوره‌یی شیشنلر،
ایلک باهار سئیرینه چیخمایان،
اؤزونو داغلارین دؤشونه ییخمایان
سینه‌سی داغلیلار،
وفاسیز بیر عشقین داغینیق زولفونه باغلیلار
دخیلین اولموشلار،
قاپیندا تسلی بولموشلار.
زیلین وار، وسطین، بمین وار؛
سنینده قوشلارین دمیندن آیریلان
بیر اؤزگه دمین وار.
سنی‌ده آوارا ائیله‌میش
داغینیق تئللی بیر "زرفشان"
اونونچون سئگاهین دانیشیر
پریشان، پریشان.
سسینی دینله‌میش
شاهلارین، خانلارین سارایی؛
سنینله بیرلیکده اینله‌میش
اسیرلر آلایی
بعضاً ده سیملرین غملری اووتار؛
اولاردین اونلارین سیرداشی
سن ای تار!...
گوللری امکچی بارماقلار قانیندان
رنگ آلان خلچه‌لر
خلچه‌لر اوستونده اوزانمیش-
دواغی قونچه‌لر
"- هی، ساقی، مدد قیل سویودو شرابین،
اینجیتمه کؤنلونو بو خانه‌خرابین!"-
سؤیله‌ین توخ سؤزلو شاعیرلر
هوسدن دویمایان آچ گؤزلو شاعیرلر:
نادیم‌لر، واقیف‌لر،
گؤزللیک سیررینه واقیف‌لر
هپ سنی دینله میش
اوخوموش اینله میش.
ایندی ده بیزیمچین اوخو تار!
سنی کیم اونوتار؟
سن قوللوق ائتمه‌دین نه اوردا- بوردا،
چالیشدین حیاتی سئوگین اوغروندا.
چوخلاری اوزونه دوردولار،
کؤنلونو قیردیلار.
نه دئییم او یئکه باشلارا؟!
چالدیلار روحونو داشلارا.
اوستوندن بیر قارا یئل کیمی اسدیلر،
سسینی کسدیلر.
داشلاندی چکنلر نازینی،
بؤیله‌جه قیردیلار عاشیغین سازینی.
سن خالقا "گول!" دئدین،
"ای غوصصه، اؤل!" دئدین.
غوصصه‌میز اؤلمه‌دی،
خالقیمیز گولمه‌دی.
آغلادیق دایما، آغلادیق،
ای قدیم آشینا، آغلادیق.
اوخو، تار! دییشدی زامانا،
باخ، ایندی رادیو سسینی
داغیدیر جاهانا.
ای تارچی، چال، اوخو!
کؤنلومو آل، اوخو!
وور سازی دؤشونه، ای عاشیق!
قالمامیش نه قبا، نه‌ده کی ساریق.
اوخو، تار! آلوولو ایزلرین
عجبا، نئچه شوخ دیلبرین
یاسمن اوزونو پول کیمی قیزارتمیش؟
او ساری سیملرین لسانی
سالمازمی حیرته انسانی؟
اوخو، تار! من سنده
ایسته‌نن هاوانی چالا دا بیلرم.
من سندن بوگون ذؤو قونو
آلادا بیلرم.
سن بوگون سیلاحسان الیمده،
سنی من هانسی بیر هدفه
ایسته‌سم چئویره بیلرم.
قلبلرده گیزلنن کئچمیشی
بیر یئنی نغمه‌نین الی ایله
دئویره بیلرم!
اوخو، تار!
فابریکده، زاووددا،
تراکتور باشیندا.
بو ساعات قارشیندا
نه قدر آدام وار!
اوتانما، اوخو، تار!
مدنلی باکیمین،
پامبیقلی گنجه‌مین
ایپکلی شکی‌مین
آجیسی، شربتی.
آلوولو صنعتی!
اوخو، تار، اوخو، تار!
سسیندن ان لطیف شعرلر دینله‌ییم.
اوخو، تار، بیر قادار!
نغمه‌نی سو کیمی آلیشان روحوما چیله‌ییم.
اوخو، تار!
سنی کیم اونوتار؟
ای گئنیش کوتله‌مین شیرینی، شربتی
آلوولو صنعتی!...