در پنجاه و چهارمین روز اعتصاب

http://knnc.net/NewsDetailN.aspx?id=24645&LinkID=63

رێپێوانی پشتیوانی‌ بۆكوردانی‌ باكور له‌ كه‌ركوك‌و سلێمانی‌ بەڕێوەچو


به‌به‌شداری‌ ژماره‌یه‌كی‌ به‌رچاو له‌ هاوڵاتیان و چالاكانی‌ مه‌ده‌نی‌ و رۆشنبیران و په‌رله‌مانتاران وه‌ك پاڵپشتی‌ بۆ خه‌باتی‌ مه‌ده‌نی‌ كوردانی‌ باكوری‌ كوردستان له‌ سلێمانی‌ و كه‌ركوك رێپێوان به‌ڕێوه‌چو.

سه‌رله‌به‌یانی‌ ئه‌مرۆ له‌ شاری‌ سلێمانی‌ ژماره‌یه‌كی‌ به‌رچاو له‌ خوێندكارانی‌ زانكۆ و چالاكانی‌ مه‌ده‌نی‌ و رۆشنبیران و په‌رله‌مانتارانی‌ ئۆپۆزسیۆن له‌به‌رده‌م زانكۆی‌ سلێمانی‌ كۆبونه‌وه‌ و رێپێوانێكیان بۆ پاڵپشتی‌ له‌ خه‌باتی‌ مه‌ده‌نی‌ كوردانی‌ باكوری‌ كوردستان بۆ به‌رده‌م نوسینگه‌ی‌ په‌رله‌مانی‌ كوردستان سازكرد.
له‌ رێپێوانه‌كه‌دا داوایانكرد په‌رله‌مانی‌ كوردستان كۆبونه‌وه‌ی‌ تایبه‌ت به‌ دۆخی‌ توركیا سازبكات و هه‌رسێ‌ سه‌رۆكایه‌تیه‌كه‌ی‌ هه‌رێمیش هه‌ڵوێستی‌ ئاشكرا و جدیان هه‌بێت.
هه‌ر ئه‌مرۆ له‌ شاری‌ كه‌ركوكیش به‌ به‌شداری‌ 17 رێكخراو و حزب و ژماره‌یه‌كی‌ به‌رچاو له‌ هاوڵاتیان رێپێوان بۆ پاڵپشتی‌ كوردانی‌ باكور ده‌ستی‌ پێكرد، له‌به‌رده‌م باخچه‌ی‌ ئه‌حمه‌دی‌ خانی‌ له‌ گه‌ڕه‌كی‌ ره‌حیماوا هاوڵاتیان كۆبونه‌وه‌ و به‌ڕێپێوان به‌ره‌و نوسینگه‌ی‌ كه‌ركوكی‌ مافی‌ مرۆڤی‌ عێراقی‌ به‌ڕێكه‌وتن و له‌ یاداشتێكدا پشتیوانی‌ خۆیان بۆ خه‌باتی‌ مه‌ده‌نی‌ كوردانی‌ باكور به‌ ئاشتی‌‌و چاره‌سه‌ركردنی‌ كێشه‌ی‌ كورد له‌ توركیا ده‌ربڕی‌

http://www.hawlati.co/babetekan/31933

و در این لینک تمام عکسهای تظاهرات وجود دارد

http://www.hawlati.co/babetekan/31933