امروز ٢٦ آذر روز ننگ و سیاهی

سلام دار آغاجی
یولومو گوزله دین هر سحر آخشام، سلام، دار آغاجی . علیکیم - سلام
اجل له اؤلمه یه دؤغلمامیشام ، سلام دار آغاجی . علیکیم - سلام
او هانسی میللت دیر - طالعی سیردیر؟
یوز آدلا بؤلوندو... یئنه ده بیردیر
منی حوضورونا بو درد گتیردی، سلام دار آغاجی .علیکیم - سلام
خزری ، بایکالی ، آرالی گؤردوم ،
گؤردوم جان اؤسته دیر ، یارالی گؤردوم
تانرینی بنده دن آرالی گؤردوم ، سلام دار آغاجی . علیکیم - سلام
چارخی ترس فیرلانیر فلک قاری نین،
توران کؤلگه سینده بوداقلارینین،
رنگی بایراغیمدا یارپاقلاری نین، سلام دار آغاجی . علیکیم - سلام
اولین آخیری ، سونون اولی
بویوموش، بیله میشم بونو من ده لی
قورخوم یوخ ، نه اولسون بویون گؤی ده لیر، سلام دا رآغاجی . علیکیم - سلام
ائلی یاغمالانان ، بؤلؤنن ، بؤلن
چایلاری قورویان ، گؤللری اؤلن
حاق - حساب - چکمه یه گلن منم ، من. سلام دار آغاجی ، علیکیم - سلام
دانیش ، امیر تئیمور ، بو سون نئیدی به؟
بوینومدا - آغ کفن ، دیلیمده - تؤوبه
درسی نی ترس بیلن ، منیمدی نؤوبه... سلام دار آغاجی ، علیکیم - سلام
سنی من اکمیشم... من سن قنیم،
سنی سووارماغا حلال دیر قانیم
یارپاغین رنگ آلسین قانیمدان منیم، سلام دار آغاجی ، علیکیم - سلام
ائی دارین آغاجی ، کیمدن اسکیکم...کم
یا سنی یئندیرره رم یا سنه یئنم
یادا بوداغیندا یارپاغا دوننم، سلام دار آغاجی ، علیکیم - سلام
قیرغیزام، اوزبه یم ، قازاخ ، تورکمنم،
باشقیردام ، کرکوکم ، ائله گؤرک منم،
سنین گؤزله دییین غریب تئورک منم، سلام دار آغاجی ، علیکیم - سلام
قبول ائت نووبتی قوربانین منم،
منیم جانیم سنده ، بیل ، جانین منم،
ائله غوره لنمه... هر یانین منم، سلام دار آغاجی ، علیکیم - سلام
علیکیم سلام